الجعمكة

سؤال برسم البيع..
(الجعمكة)..يومها لم اجد صديق الطفولة ابو ماهر في محل قطع غيار السيارات و كان  من المحظور علي  دخول المنطقة الصناعية  الا برفقته ، و السبب برايه يتمثل بانني (خروف محرز) بنسبة للحرفيين..فتوكلت على الله و قمت بتطبيق كافة نصائحه المتعلقة بكيفية شراء قطع السيارات المستعملة.. (تلفونك قلمك ساعتك خبيهن  ،جاكيتك زته ، بهدل حالك شوي  ،يا اخي لا تستحم قبل ما تشرفنا،العب بخشومك و انت بتحكي ، و مش ضروري حبيبي تتعطر اليوم ، اطعج وقفتك ، اعوج لسانك ، و تفقد القطعة قبل ما تدبس فيها ، و دائما استخدم تعبيرات مثل ول ول شو السيرة  ، شكلها القطعة مسوكجة).. سالت الميكانيكي قديش بدك تحسب لي سعر (السلف) معلم ، فرد ببرود و لا مبالاة 30 ،فاخذت اتفقد القطعة و افكك بالبراغي على اساس اني خبير محنك ...بس و الله شكله هالسلف مسوكج و ما بسوى كل هاظ يا معلم.. فالتفت الي الميكانيكي مستهزء  حبيبي سلامة فهمك هاي جعمكة مش (سلف) .. السؤال (الفني) اذا سمحتم لي بالاطالة ترخيص المهن للحرفيين و الفنيين بعيدا عن شروط دفع الرسوم و مساحة المحل و المجاري و التمديدات و الكهرباء و هل يوجد حمام و مطبخ في المحل ، قبل كل ذلك من الذي يحدد بان هذا الفني قادر و مؤهل فنيا للقيام بصيانة ممتلكات المواطن و ما هي التزاماته و واجباته و كيفية تحديد اجره واخيرا من هي الجهة التي تشرف على كل ذلك ؟